Page 4 of 4

Добавить сайт в Избранное / Закладки

Хайваннар, кошлар турында

МегаФон

Песнәк

Алтын көзләр узып китте,
Ап-ак кыш килеп җитте.
Ап-ак кар яуды җиргә,
Җир акка чумды инде.

Әнә агачта бер песнәк,
Җим эзләп йөри икән.
Ары карый, бире карый
Бер дә табалмый микән?!

Мин озак карап тормыйчан
Тотындым үз эшемә.
Җимлек ясадым кошчыкка,
Элдем куак түшенә.

Песнәгем бик тә шатланды,
Минем эшемне күреп.
Рәхмәт әйтеп, баш селекте
Яныма очып килеп.

Лилия Сәлахетдинова

*****

Кыр кәҗәсе

Әкиятле урманда
Кышның салкын көнендә
Ак карны ера-ера
Әллә кәҗәме чаба?

Бик курка инде үзе
Елтырый аның күзе.
Әллә инде адашкан
Әллә юлын ялгышкан.

Агачлар арасында,
Ботаклар карасында
Кача-кача йөгерә
Көтүгә өлгерергә.

Көтүе белән бергә
Тели кәҗә булырга.
Табып бәләкәй бәти
Булырга аңа әни.

Җылы язның көнендә
Йөрергә ул чирәмдә
Назлап кына яратып
Бәләкәчен ияртеп.

Өйрәтеп ул яшәргә,
Бүреләрдән качарга.
Әкиятле урманда,
Чәчәк тулы аланда

Лилия Гиматдинова ( Хисамова)

*****

Мәче утыра киртәдә
Килер, диеп иртәгә,
Бүгенгесенә ни булган?
Җир йөзе акка тулган.

Мәче утыра мут карап,
Эшләре әллә харап?
Алан, йолан караштыра
Җил үтте йонын тарап.

Балалар чана шуалар,
Эт чаба яннарында,
Морҗадан тәмле ис килә
Мәче сизә барын да.

Елгаларда боз катмаган,
Яңа кар төшкән җиргә,
Җан иясе хәрәкәттә
Шатлана шуңа җир дә.

Мәче утыра киртәдә
Яңа иртәләр көтеп,
Кыш салкыны тынын өрде
Битләрне алды өтеп.

Найля Аюпова

*****

Сандугач

 

Сап-сары кош, сары сандугачкай
Җим эзләнеп йөри түтәлдә.
Сандугачым, hич уйламый идем
Күрермен дип сине бу хәлдә.

Бөек җырчы! Синең сайравыңа
Баш ияләр җирдә барчасы.
Табигатьнең бердәнбере, даны,
Сайрый торган кошлар патшасы…

Чебен-черки җыеп көн итәсең…
Ничә очып килдең бакчама.
Горур шул син, сайрауларың өчен
Алмыйсың бер тиен акча да.

Без, кешеләр, алай түгелләрбез,
Эшне шактый оста йөртәбез.
Синнән мең кат ямьсез сайрасак та
Акчалата түләү көтәбез.

Сәхнәләрдә калай каккан булып,
Чыкканбулып конкурс-ярышка,
Лауреатлар булып бетәбез без
Черки безелдәгән тавышка.

Ә үзебез сиңа сокланабыз
Тормышыбыз тук hәм мул чакта.
Сандугачлар ач тъгелме, диеп,
Уйлау ярар иде шул чакта.

Көязләнеп затлы сәхнәләрдә
Көй ватканда бугач ертучы-
Черкиҗыеп яши сандугачкай,
Илләрара халык җырчысы.

Гәрәй Рәхим

*****

Бәпкәләр белән казлар

Гөрләвекләр йөгерә
Күктә кояш елмая,
Җиргә нурларын сибә
Карлар эри, яз килә

Ата каз йөри биеп
Җылы яз килде диеп
Канатын кага-кага
Куана, килгән язга

Бәпкә чыгарам диеп
Утырды ана казы
Сакта басып торырга,
Чакырды ата казны.

Ата каз көяз басып,
Каңгылдап сөйли-сөйли,
Ояга ул юнәлде,
Куанып бии-бии.

Яңа күкәйдән чыгып
Пипелди бәпкәләре
Сөйләшә алар белән
Каңкылдап әнкәләре.

Ана каз төште җиргә
Бәпкәләр белән бергә
Ата казның янына
Бастылар каршысына.

Ата каз муенын сузып
Бәпкәләрен санады
Ияртеп ана казын
Күл буена юнәлде .

Ата каз йөри алдан
Ә артыннан бәпкәләр,
Пипелдәп алалар да,
Йөгерешеп баралар.

Ана каз арттан бара,
Бәпкәсен санап ала,
Ата казга нидер сөйли
Тирә ягына карый..

Килеп җиткәч күл буена
Төшеп күлнең суына
Йөзеп киттеләр бергәләп
Күлнең аргы ягына.

Бер — берсен уза-уза
Чумып бәпкәләр йөзә
Җылы күлнең суында
Камышлар арасында

Күл буе яшел үлән
Куе булып ул үскән
Әйтерсең йөмшак келәм
Җәелеп ята чирәм

Казлар йөри үләндә
Бәпкәләре янында
Яшел чирәмне чүпләп
Каңкылдап та пипелдәп.

Лилия Гиматдинова (Хисамова)

МегаФон
Добавить сайт в Избранное / Закладки

Яңа Елга шигырьләр

Ерактан суык яклардан
Боз чанага утырып
Бәйрәмгә килде кыш бабай.
Күчтәнәчләр тутырып.

Кулларында боз таягы
Сакалы җиргә тигән.
Ә янында сылу бер кыз,
Энҗе кардан киенгән.

Сылу кызын, энҗе кызын,
Ул синең куанычың.
Бергә йөри, синнән калмый
Бәләкәй юанычың.

Балаларга, Яңа елда
Күчтәнәчләр тарата.
Биеп, жырлап. көлдерә дә.
Куандырып калдыра.

Лилия Гиматдинова

*****

Чыршы бәйрәме

Эх күңелле үтә иде
Яңа ел бәйрәмнәре
Җыр- биюгә тула иде
Уфаның урамнары

Ёлкаларга чыга идек
Гармуннарны күтәреп
Җырлый — җырлый кайта идек
Яшь кызлар эләктереп

Шундый бер бәйрәм чорында
Җилле егет чагымда
Эләктем чыршы янында
Хәләлем кочагына

Шул көннән без икәү бергә
Кабыздык өй учагын
Яшәвебез бара бердәм
Җылы булгач кочагың

Чыршы бәйрәмгә карата
Өзмәгез өметләрне
Сөйкемле кызлар ярата
Күңелле егетләрне

Әй егетләр, сезгә әйтәм
Чыгыгыз бар ёлкага !
Очрашуга ярдәм итәр
Яңа килгән йылкы да !

Рафит Бикташев

*****

Рәхмәт, Иске ел!

Әкрен генә, ләкин котылгысыз,
Якынайтып гомер көземне,
Тормыш агачыннан талгын гына
Тагын бер ел төште өзелеп.
Барыр юлларымны кыскартса да,
Рәхмәтлемен үтеп барган елга.
Хәсрәт-сагыш минем юлдаш инде!
Шатлыгы да булган икән мулдан.
Тән сәламәт, җаннар тыныч булса,
Исән-имин булса якыннар,
Күңел күгең аяз, якты икән,
Шуннан зуррак нинди бәхет бар?
Авыр чаклар булды – яшермимен,
Сабырлык та бирдең, көчен дә.
Илһам тапты каләм-сердәшем дә,
Рәхмәт сиңа шуның өчен дә.
Аермадың иске дусларымнан,
Өстәп тордың яңа дуслар да.
Югалтулар табышларга илтте,
Моң-сагыштан күңел тулса да.
Миннән сиңа хәер-фатиха,
Сау бул инде, сау бул, иске ел.
Бәрәкәтең, хәерләрең белән,
Аяк басчы җиргә, Яңа ел!

Римма Гайнанова

*****

Карлар җыры

Әйлән-бәйлән уйный ап-ак карлар,
Яңа елны көткән көннәрдә.
Җемелдиләр ак йолдызлар мени,
Якты йолдыз кебек төннәрдә.

Күтәрелеп күктә очкан чакта,
Ак йолдызлар көйләр чыгара.
Ак энҗеләр күргәч күңелләрдә,
Өшер өчен юктыр,юк чара.

Ап-ак кына энҗе бөртекләре,
Әйлән-бәйлән,уен уйныйлар.
Һәр туасы яңа матур көнгә,
Яңа елда бәхет юрыйлар.

Ак карларың, ак хисләрең белән,
Хуш киләсен безгә Яңа ел!
Әйлән-бәйлән уйный ап-ак карлар,
Яңа елга җәеп яңа юл!

Гульфия Гизатова (Муртазина)

*****

Яңа ел

 

Ерактан ишетелә
Тып-тып басып ат килә
Тоягында дагалар
Карны кыеп баралар.

Көмештән ул коелган.
Кояшның нурын алган.
Нурлары аның оча
Ап-ак карларны коча.

Тирә-якка чәчелеп
Ята нурлар сибелеп.
Җем-җем килә үзләре
Чагылдырып күзләрне.

Бәхетләр тели-тели
Җиз кыңгыраулар чыңлый.
Сәгәть телләре суга,
Ат елы килә безгә.

Яңа өметләр белән
Изге теләкләр белән
Ат елы бара җирдән
Ап-ак бәскә киенгән.

Лилия Гиматдинова (Хисамова)

*****

Читать далее →

МегаФон
Добавить сайт в Избранное / Закладки

Табигать

Каеннар

 

Юл читендә айкала да чайкала
Ак каеннар, яшь каеннар,
Каеннар…
Тирә-якта шаулый бодай диңгезе, ‘
Сорый кебек: «Әйтче, егет, син безгә —
Күңелеңдә нинди уй бар, кайгы бар?»

Уем тик шул: ятыйм каен төбендә,
Арып-талып бодай ургач хәл алып,
Сайрар кошлар яңгыратсыннар тирәмне,
Серләшсен дә шыбырдашсын һәр яфрак —
Серле булу каеннарга хәләл ул.

Яки ятыйм каеннарның төбендә,
Есенинның томын тотып, уйланып.
Ай тулышкан һәм болытсыз кичләрдә,
Таң чыкларын көтеп алалмый һич тә,
Тирбәлешсен ак каеннар — уянып.

Озакбай Пирҗанов
Марс Шабаев тәрҗемәсе

*****

Читать далее →

Добавить сайт в Избранное / Закладки

Казан

Мин дә йөрдем Казан урамында
hәм карадым шәhәр тирәсен.
hәр адымда күңел күрә монда
Дуслар эшен, дуслар көрәшен.

Болытларга тия манаралар,
Суда уйный төзелеш нурлары,
Бизәл, Казан, hаман яңара бар!-
Дидер төсле дулкын җырлары,

Казан-бишек: әатлыгын да аның,
Хәсрәтен дә халык тирбәткән.
Күмелгән ул дәртле, татлы моңга,
Ә чыбылдык итеп-нур япкан.

Яңа портның биек краннары
Күккә гүя тиеп торалар.
Килә монда кораб кәрваннары-
Иркен сулап килеп керәләр.

Дуслар, дуслар! Тормыш диңгезенең
Юлларын сез кыю яргансыз,
Балкышын сез бәхет йолдызының
Йөрәкләргә тирән салгансыз.

Утларыңа, Казан, карыйм кат-кат,
hәм әйтәм мин якты Казанда:
Син нур бирдең зур дуслыкны мактап,
Сине сөеп шигырҗ язарга.

Ламар, болгар шагыйре. Зәки Нури тәрҗемәсе

Добавить сайт в Избранное / Закладки

Туган авыл

Авылда

 

Әйләнәм дә кайтам. Күрше карчык
Күреп калып урам чатыннан,
«Бәрәкалла, күз тимәсен» диеп,
Карап кала минем артымнан.

Мин — хыялый, җилфер-җилфер килеп,
Чабуымны ачып буранга, Канатларын
җәйгән кошка охшап очып киләм ап-ак
урамнан.

Шул мизгелдә шаян бөтерчектәй,
Хатирәләр уйнап ярсына,—
Колакчыны күзләренә төшкән,
Малай чагым чаба каршыма…

Раил Рахман

*****

Көтүдә

Үч иткәндәй нигәдер тиз
Җитте чират көтүгә.
Сөтлебикә белән киттек,
Иртән вакыты җитүгә.

Авылым инде кайнаша
Уянып иртә таңнан.
Күршенең зур чыбыркысы
Сөйрәлеп бара арттан.

Зират артларына җиткәч,
Кояш менде офыктан.
Мал ризыгы — яшеллек күп!
Үсеп җиткән — тубыктан.

Якты Кояш нурларында
Чык җемелди үләндә.
Тынып калды бака җыры
Үзәннән без үткәндә.

Кызыл ярның чишмәсенә
Әле юлыбыз ерак.
Кирәмәтнең елгасында
Юанды хайван озак.

Көтүлектә кошлар сайрый
Җырларыма кушылып.
Кигәвен генә кайвакыт
Куна эчне пошырып.

Җиргә ятып бераз алсаң —
Керә татлы төшләре.
Уята тик тиз мизгелдән —
Сыерларның мөгрәүе.

Авыз ачып калсаң әгәр,
Бел, хәлләрең нык яман.
Авылга качып кайтып мал
Күрсәтә калса табан…

Инде күпме йөргән дә күк —
Җитми төшләү вакыты.
Сабырлыкның тулды инде
Түзем тулар савыты.

Ниһаять кайттык көтүдән
Җан шатлана, ашкына!
Калыккан Ай зур таулыкка
Сыерлар күк ышкына…

Бер карасаң дөнья көтү
Мал көтүе белә бер!
Барлыйсың һаман кайгырып
Соңармаска йөгереп гел…

Аермасы — вакыт узмый
Тилмер, көт кич җитүен!
Гел киресе — гомер җитми
Көтсәң дөнья көтүен…

Роберт Шаймарданов

*****

Авылым тәрәзәләре

Авылыма кайтып киләм,
Таныш өйнең кәрәзләре.
Каршы ала гөл-чәчәкле,
Авылым тәрәзләре!
Сөйли миңа ак сириннәр,
Авылның хабәрләрен.
Сәләм биреп озатып бара,
Авылым тәрәзләре!
Китсәм дә мин еракларга
Үзәкне өзәр әле!
Сагындырыр гөл-чәчәкле
Авылым тәрәзләре!
Таң җилләре җиткерерләр,
Сезгә кагып,сәләмнәрне,
«Ул сагына сезне «- диеп
Авылым тәрәзәләре!

Гульфия Низамутдинова

*****

Туган йортым төшкә керде

Туган йортым тагын төшкә керде
Үзе якты, җылы, әниле…
Аерыласым килми шушы төштән –
Аңлыйсыздыр минем хәлемне.

Җәйге көндә әни ипи баса,
Сау-сәламәт, үзе шундый шат.
Мөмкин булса, шушы изге төшне
Тагын күрер идем кабатлап.

Туган йортым хәзер ятим инде,
Өзелеп көтәр әни юк анда.
Чынга ашмас татлы төш-хыялым
Сагыш уты кабызды җанда.

Римма Гайнанова

*****

Әй авылым

Туган якка кайттым менә
Сулар өчен һавасын.
Алыштыргысыз бернигә
Үз җиреңнең дәвасы!

Ялан тәпи йөргән чактан
Береккән монда эзләр.
Биләүдән тәүге караштан
Мөккибән киткән күзләр.

Күңелемдә мәңге калган
Әнкәм бишек җырлары.
Тугаемның кошлар җырын
Мәңге тыңлап туймамын!

Нинди торышта булса да
Һавасы җанга якын!
Чишмә суы тәмле чәйдәй
Тисә дә тешкә салкын.

Әй, авылым, картайма син,
Яңарып торсын өйләр!
Урам тутырып җырларбыз
Яңадан язып көйләр.

Роберт Шаймарданов

*****

Авылыма

Чәчәкләрдәй сибелгәнсең
Матур тау итәгенә.
Ышанамын, шундый авыл
Син берәү икәненә.
Күл, елгаларга тартылам
Һәр мизгел давамында
Шифалы чишмә суларың
Һәр кемне давалыйда.
Ераклардаг күренәсен
Кечкенә сыңар учтай.
Кыр-болыннар чакыралар
Иңләп очарга коштай
Авылкаем урамыңда,
Хәтирәле бала чак
Яшьлегем язы һәм көзе
Теләкәйдә калачак
Тартылабыз синең яңга
Һәр язың бәйрәмнәргә.
Каныбыз, җаныбыз белән
Нигезгә бәйләнгәнгә.

Гузалия Файзуллина

*****

Страница 4 из 41234





Карта сайта